Ruchi choochi yerigitini - yehovaa utthamudaniyu

ప|| రుచి చూచి ఎరిగితిని - యెహోవా ఉత్తముడనియు రక్షకునాశ్రయించి - నే ధన్యుడనైతిని

1. గొప్ప దేవుడవు నీవే స్తుతులకు పాత్రుడ వీవే తప్పక ఆరాధింతు దయాళుడవు నీవే || రుచి ||

2. మహోన్నతుడవగు దేవా - ప్రభావము గలవాడా మనస్సార పొగడెదను నీ - ఆశ్చర్య కార్యములన్ || రుచి ||

3. మంచి తనము గల దేవా - అతి శ్రేష్ఠుడవు అందరిలో ముదమార పాడెద నిన్ను - అతి సుందరుడవనియు || రుచి ||

4. నా జీవితమంతయును - యెహోవాను స్తుతియించెదను నా బ్రతుకు కాలములో - నా దేవుని కీర్తింతున్ || రుచి ||

5. సంతోషింతు నెల్లప్పుడు - కష్ట దుఃఖ బాధలలో ఎంతో నెమ్మదినిచ్చునా - రక్షకుడు యేసు || రుచి ||

6. ప్రార్థింతును ఎడతెగక ప్రభుసన్నిధిలో చేరి సంపూర్ణముగా పొందెదను అడుగు వాటన్నిటిని || రుచి ||

7. కృతజ్ఞత చెల్లింతు ప్రతి దానికొరకు నేను క్రీస్తుని యందే తృప్తి పొంది హర్షించెదను || రుచి ||