Randi randi Yesuni yoddaku - Rammanu chunnadu

ప|| రండి రండి యేసుని యొద్దకు - రమ్మనుచున్నాడు

అ.ప. ప్రయాసపడి భారము మోయువారలు - ప్రభునిచెంతకు పరుగిడి వేగమె

1. యేసుని పిలుపు వినియు నింక - యోచింపరేల అవనిలో అగచాట్ల పాలైన - అబ్బదు శాంతి ఆత్మకు నిలలో || రండి ||

2. కరువు రణము మరణము చూచి - కలుగదు మారుమనస్సు ప్రవచనములు సంపూర్ణము లాయెను - యూదులు తిరిగి వచ్చుచున్నారు || రండి ||

3. ప్రభు యేసు నీ కొరకై తనదు - ప్రాణము నిచ్చెగదా సిలువను రక్తము చిందించియును - బలియాయెను ఆ ఘనుడు మనకై || రండి ||

4. యేసు నామమునందే పరమ - నివాసము దొరుకును ముక్తిని పాప విమోచనమును - శక్తిమంతుడు యేసే యిచ్చును || రండి ||

5. నేనే మార్గము నేనే సత్యము - నేనే జీవమును నేనే గాకింకెవ్వరు లేరని - యెంచి చెప్పిన యేసుని యొద్దకు || రండి ||