Saatilenidi yesuni rakhtamu paapamunu kadugunu

ప|| సాటి లేనిది యేసుని రక్తము పాపమును కడుగును ప్రియుడా పాపమును కడుగును

1. చూడుము సోదరా దేవుడు ఎంతో - ప్రేమించె ఈ జగతిన్ ప్రియుడా ప్రేమించె ఈ జగతిన్ - సిలువలో ప్రాణము నర్పించ క్రీస్తు యేసుని పంపెను - ప్రియుడా యేసుని పంపెను || సాటి ||

2. లోకమున కరుదెంచి క్రీస్తు ప్రభువు - ప్రాణము బలిగానిచ్చె ప్రియుడా ప్రాణము బలిగా నిచ్చె - లోకపాపమెల్ల సిలువలో మోసి తొలగించె శాపమున్ - ప్రియుడా తొలగించె శాపమున్ || సాటి ||

3. వినుము సోదరా ప్రభుయేసు క్రీస్తుని - పరలోక వార్తను ప్రియుడా పరలోక వార్తను - ఉన్నతమైన పరలోక ప్రేమను చాటించు చుంటిమి - ప్రియుడా చాటించు చుంటిమి || సాటి ||

4. యేసుని నీవు క్షమించుమని వేడు - విరిగిన హృదయముతో ప్రియుడా విరిగిన హృదయముతో - యేసుని అమూల్య రక్తధారలే కడుగును పాపమెల్ల - ప్రియుడా కడుగును పాపమెల్ల || సాటి ||

5. పాప భారమును మోసికొని నీవు - ప్రయాస మొందెదవా? ప్రియుడా ప్రయాస మొందెదవా? - పాపమొప్పుకొని యేసు పాదముల చెంతకు జేరుము - ప్రియుడా చెంతకు జేరుము || సాటి ||

6. గతించుచున్నది స్వల్ప జీవితము - శ్రీఘముగా రమ్ము ప్రియుడా శ్రీఘముగా రమ్ము - కర్త యేసునందు విశ్వాసముంచి రక్షణ పొందుము - ప్రియుడా రక్షణ పొందుము || సాటి ||

7. కృపయానందము పవిత్ర ప్రేమలో - భాగము పొందుము ప్రియుడా భాగము పొందుము - పాప సాగరమును దాటించ గలడు యేసు రక్షకుడే - ప్రియుడా యేసు రక్షకుడే || సాటి ||