Devaa naa yandu neeku entho prema

ప|| దేవా నా యందు నీకు - ఎంతో ప్రేమ నీ దివ్య ప్రేమ నాలో - ఉప్పొంగెను హల్లెలూయా.......(4)

1. దినదినము నీదు ప్రేమ - రుచి చూచుచున్నాను దయగల జీవాహారముతో పోషించుచున్నావు దేవా! నీ జీవజలము నాకిచ్చితివే - నీ దివ్యప్రేమ నాలో ఉప్పొంగెను || హల్లె ||

2. నా పాదములను నీవు - బండపై నిలిపితివి నా యడుగుల నెల్ల నీవు స్థిరపరచిన దేవుడవు దేవా! నాకాశ్రయుడవు నీవే కదా - నీ దివ్య ప్రేమ నాలో ఉప్పొంగెను || హల్లె ||

3. సిలువలో నీ రక్తము కార్చి - నన్ను రక్షించితివి సార్వత్రిక సంఘములోన - నన్నైక్య పరచితివి దేవా! నీ దయ నాయెడల అత్యున్నతము - నీ దివ్య ప్రేమ నాలో ఉప్పొంగెను || హల్లె ||

4. వాగ్ధానములను నాలో - నెరవేర్చిన ఓ ప్రభువా విడువక నా యెడల నీదు - కృప జూపుచున్నావు దేవా! నీ మారని ప్రేమ సంపూర్ణము - నీ దివ్య ప్రేమ నాలో ఉప్పొంగెను || హల్లె ||

5. మృతిని గెల్చి మా కొరకై - తిరిగి లేచిన ప్రభువా మా కొరకై త్వరలో రానై - యున్న మహిమరాజా దేవా! నీ సన్నిధి నాకు ఎంతో ప్రియము - నీ దివ్య ప్రేమ నాలో ఉప్పొంగెను || హల్లె ||