Paavanudaa maa Prabhuvaa –

ప|| పావనుడా మా ప్రభువా - నీ రక్షణకై స్తోత్రములు - నీ రక్షణకై స్తోత్రములు

1. అత్యున్నతమైన దేవా - సింహాసనాసీనుడవు ఎంతో గొప్పది నీ మహిమ - వర్ణింపజాలను నేను || పావనుడా ||

2. పాపపు కుష్ఠుతో పడిచెడిన - ఈ పాపిని కరుణించితివి నా పాపపుడాగులు కడిగి - పరిశుద్ధుని చేసిన విభుడా || పావనుడా ||

3. అపవిత్రమగు పెదవులతో - కపటముగా జీవించితిని అపరాధి నోటిని తెరచి - స్తుతి గీతము నొసగిన ప్రభువా || పావనుడా ||

4. నీ క్రయ ధనమధికము ఎంతో - నా కర్త నిను ప్రణుతింతు నాకందరికంటె ఘనుడా - ఓ కల్వరినాధా యేసు || పావనుడా ||

5. మహిమపరతును ప్రభుయేసు - మహదానందముతో నిరతం మహోన్నతుడా ప్రభు నిన్ను - మహిమలో ఆరాధించెదను || పావనుడా ||

6. నా కనులతో నిను చూచెదను - ఆకసమున దూతలమధ్య రకక్షక త్వరగా రారమ్ము - అక్షయుడా నీకే స్తుతులు || పావనుడా ||