Siluvalo baliyaina devuni

ప|| సిలువలో బలియైన దేవుని గొర్రెపిల్ల విలువైన నీ ప్రేమన్ వివరింతు శ్రీయేసు

1. ఆనాటి యూదులే నిన్ను జంపిరనుకొంటి కాదు కాదయ్యయ్యో - నా పాప ఋణమునకే || సిలువ ||

2. నా యతిక్రమములకై - నలుగగొట్టబడి నా దోషముల నీవు - ప్రియముగను మోసితివా || సిలువ ||

3. మృదువైన నీ నుదురు - ముండ్ల పోట్లచేత సురూపము లేక - సోలిపోతివా ప్రియుడా || సిలువ ||

4. నా రోగముల నీపై నమ్రతతో భరియించి తృణీకరింపబడి - ప్రాణమర్పించితివి || సిలువ ||

5. వ్యసనాక్రింతుడవుగా - వ్యాధి ననుభవించి మౌనము ధరియించి - మరణమైతివా ప్రభువా || సిలువ ||

6. నా పాప దోషముచే - నే చచ్చి యుండగనే మరణమై నా కొరకు - మరి తిరిగి లేచితివా || సిలువ ||

7. పరమున కెత్తబడిన - ప్రియ యేసు రాకడకై పదిలముగా కనిపెట్టి - పాడెదను హల్లెలూయ || సిలువ ||