Kristuni swaramu vindunu prabhuve

ప|| క్రీస్తుని స్వరము విందును ప్రభువే పలికినపుడు మధుర స్వరమేయది మెల్లని స్వరమే యది

1. యెహోవా నీ స్వరము జలములపై వినబడెను మహిమగల దేవుడు ఉరుమువలె గర్జించెను || క్రీస్తు ||

2. బలమైన నీ స్వరము బహు ప్రభావము గలది దేవదారుల విరచును ప్రజ్వలింప చేయునగ్నిని || క్రీస్తు ||

3. అద్భుత ప్రభుస్వరము ఆరణ్యము కదిలించును ఆకుల రాలజేయును లేళ్ల నీనజేయును || క్రీస్తు ||

4. ఆలయమందన్నియు ఆయననే ఘనపరచున్ ఆశీర్వాదము శాంతినొసగు నాయన స్వరమే || క్రీస్తు ||

5. నీ మధుర స్వరము నీ వాక్యమున విందున్ ప్రార్థనల యందున ప్రతిదినము పల్కెదవు || క్రీస్తు ||

6. నీ మధురస్వరము నీ చిత్తము తెల్పును అనుదిన జీవితములో అనుసరించెద నిన్ను || క్రీస్తు ||

7. నీ మధుర స్వరము నీ మార్గము జూపును కుడియెడమల తిరిగిన నీ స్వరమే వినబడును || క్రీస్తు ||

8. తుఫానులు కలిగి భయభీతులలో నుండ భయపడకు మని పలికె ప్రేమగల నీ స్వరము || క్రీస్తు ||

9. మరణాంధకార లోయలో నేనుండ నీకు తోడైయుంటి ననెడి స్వరమును వింటిన్ || క్రీస్తు ||

10. ప్రభువా సెలవిమ్ము నీదాసు డాలించున్ దీనుడనై నీ మాట అంగీకరిచెదను || క్రీస్తు ||