Mana mesuni vaaralamu-thana - Vaarigane yundumu-manalanu

ప|| మన మేసుని వారలము - తన వారిగానే యుందుము మనలను రక్షించెను - తనకే స్తుతి పాడెదము

1. కృపాసత్య సంపూర్ణ వాక్యము - నరరూపియాయెను కనుగొంటిమి తండ్రి మహిమను - జనితైక కుమారునిలో తన ప్రేమ అద్భుతమైనది - మనము కొనియాడెదము || మన ||

2. వారు ఆయన తట్టు చూడగా వెలుగు కలిగెను మనలను తానే వెలిగించెను - తన వాక్యము ద్వారానే ప్రభు వుత్తముడని యెరిగి - తనకే స్తుతి పాడెదము || మన ||

3. దైవపుత్రుండు సజీవరాళ్లతో యింటిని కట్టుచున్నాడు దేవుని తేజమురాగా - మహిమతో నిండె గృహము ఆయన మందిరములో - తన మహిమను పాడెదము || మన ||

4. ఎందరిని ప్రభు ముందు యెరిగెనో - వారిని నిర్ణయించెను పిలిచి నీతిగా తీర్చి - మహిమపరచెను - తన తనయుని రూపమిచ్చె మన మానంద మొందెదము || మన ||

5. పూర్ణ మహిమతో ప్రభుయేసు - దూతలతో వచ్చును కనిపెట్టు వారెత్తబడుదురు - తన మహిమ పొందెదరు తన రాజ్యముగా జేసె - హల్లెలూయ పాడెదము || మన ||

6. మహిమ వసించు మహిమ రాజ్యంబు - మహిమతో నిండియుండును మన ప్రభువే దీపమై ఉండును - తన వెలుగు ప్రచురమగున్ యుగయుగములు మనమంతా - ప్రభు యేసుతో నుండెదము || మన ||