Yesu manatho nundaga dairyamutho saaguchu

ప|| యేసు మనతోనుండగ ధైర్యముతో సాగుచు కరిఠన మార్గమైనను వెనుకకు తిరుగము

1. పాతసంగతులన్నియు గతించె మరల రావుగా యేసునందు క్రొత్త్తవై నూతనముగ నడుపును యేసుప్రభుని యాజ్ఞలు అద్భుతముగ దొరికెను పరమ దర్శనమందుండి తొలగిపోము యెన్నడు || యేసు ||

2. సైతాను శరీరము లోకముతో పోరాడుచు యెంత క్రయమునైనను సంతోషముగ చెల్లింతుము యుద్ధమందు జయమొంద ప్రభుని శక్తి పొందెదం - యేసు జయము పొందుచు సాతాను రాజ్యమణచెదం || యేసు ||

3. దుఃఖ రోగ బాధలు కలిగిన చింతించక - యేసునామమందున పొందెదము శక్తిని అల్పకాల యాత్రలో గొణుగు నణుగులుండక ప్రతి పరిస్థితియందు తృప్తిచెంది యుందుము || యేసు ||

4. క్రీస్తు యేసు మనసునే మనము కలిగియుందము ఈర్ష్యక్రోధ విరోధముల్ విడచి ప్రేమ చూపెదం నాగటిమీద చేతిని వుంచి వెనుక తిరుగము యేసువైపు చూచుచు ఆయనతోడ నడచెదం || యేసు ||

5. మనలో పాత పురుషుని చంపెదము సిలువతో అంతరంగ పురుషునందు బలమును పొందెదము ఆత్మీయ జీవితంబులో ఉన్నత స్థానము పొందెదం శరీర యిచ్ఛలన్నియు అణగద్రొక్కి వేసెదం || యేసు ||

6. విడచెదం ఈ లోకము యాత్ర పూర్తి చేసెదం పరమ రాజ్యమందున పరమ గృహము చేరెదం యేసు ప్రభును సంధించెదం ఆనందముతో నిండెదం బహుమానములు పొందెదం - సదా ఆయనతో నుండెదం || యేసు ||