Rajadhiraajaa raave - Raaju Yesu raajyamela raave

ప|| రాజాధిరాజా రావే - రాజు యేసు రాజ్యమేల రావే రాజులకు రాజువై రావే - రవికోటి తేజ యేసు రావే ఓ...... మేఘ వాహనంబు మీద వేగమే - ఓ.... మించు వైభవంబుతోడ వేగమే

1. ఓ...... భూజనంబులెల్ల తేరి చూడగా - ఓ.....నీ జనంబు స్వాగతంబు నీయగా నీ రాజ్య స్థాపనంబు చేయ - భూరాజులెల్ల గూలిపోవ భూమియాకాశంబు మారిపోవ - నీ మహాప్రభావమున వేగ

2. ఆ.... ఆకసమున దూతలార్భటింపగా - ఆ.... ఆది భక్త సంఘ సమేతంబుగా ఆకసంబు మధ్య వీధిలోన - ఏకమై మహాసభచేయ యేసునాథ! నీదు మహిమలోన - మాకదే మహానందమౌగ

3. ఓ... పరమ యెరూషలేము పుణ్యసంఘమా! ఓ.... గొర్రెపిల్ల క్రీస్తు పుణ్యసంఘమా పరమదూతలారా! భక్తులారా! పౌలపోస్తులారా! పెద్దలారా! గొఱియపిల్ల యేసురాజు పేర - క్రొత్త్త గీతమెత్తి పాడరారా