Choodumu getsemane - thotalo naa prabhuvu

ప|| చూడుము గెత్సెమనె - తోటలో నా ప్రభువు పాపి నాకై విజ్ఞాపన చేసెడి - ధ్వని వినబడుచున్నది పాపి నీకై విజ్ఞాపన చేసెడి - ధ్వని వినబడుచున్నది

1. దేహమంతయు నలిగి - శోకము చెందినవాడై దేవాది దేవుని ఏకైక సుతుడు పడు వేదనలు నా కొరకే || చూడుము ||

2. తండ్రి ఈ పాత్ర తొగున్ - నీ చిత్తమైన యెడల ఎట్లయినను నీ చిత్తము చేయుటకు నప్పగించితివనెను || చూడుము ||

3. రక్తపు చెమట వలన - మిక్కిలి బాధనొంది రక్షకుడేసు హృదయము పగులగ - విజ్ఞాపనము చేసెనే || చూడుము ||

4. ముమ్మారు భూమి మీదపడి - మిక్కిలి వేదనచే మన యేసు ప్రభువు తానే వేడుకొనెను - పాపుల విమోచన కొరకే || చూడుము ||

5. ప్రేమామృత వాక్కులచే - ఆదరించెడి ప్రభువు వేదన సమయమున - బాధపరచెడి వారి కొరకు ప్రార్థన చేసెనే || చూడుము ||

6. నన్ను తనవలె మార్చెడి - ఈ మహా ప్రేమను తలచి తలచి హృదయము కరుగగ - సదా కీర్తించెదను || చూడుము ||