Reyimpagalu nee padhaseve yesu prabhuvaa cheyutamelu

ప|| రేయింపగలు నీ పదసేవే యేసుప్రభువా చేయుట మేలు - సాటిలేని దేవుడ నీవె నాదు కోట కొండయు నీవె

1. పరమపురిలో వరదా నిరతం దూతగణముల స్తుతులను సల్పి శుద్ధుడ పరిశుద్ధుడనుచు పూజనొందె దేవుడు నీవె || రేయి ||

2. జిగటమన్నే మానవులంతా పరమ కుమ్మరి ప్రభుడవు నీవే సృష్టికర్తను మరచి జనులు సృష్టిని పూజించుట తగునా || రేయి ||

3. పెంటకుప్పల నుండి దీనుల పైకిలేపు ప్రభుడవు తగునా గర్వమణచి గద్దెలు దింపి ఘనులనైనా మేపవ గడ్డి || రేయి ||

4. నరుల నమ్ముట కంటె నిజముగ నీదు శరణం శరణం దేవా రాజులను ధరనమ్ముట కంటె రాజరాజవు నాకాశ్రయము || రేయి ||

5. అగ్ని వాసనంటకుండా అబెద్నగోలతో నుండిన దేవా దానియేలును సింహపు బోనులో ఆదుకొన్న నాధుడ నీవే || రేయి ||

6. పరమ గురుడవు ప్రభులకు ప్రభుడవు పరము చేర్చు పదము నీవే అడుగుజాడల నడచిన హనోకు పరము చేరె ప్రాణముతోడ || రేయి ||

7. మృతుల సహితము లేపినావు మృతిని గెల్చి లేచినావు మృతులనెల్ల లేపేవాడవు - మృత్యువును మృతి లేపినావు || రేయి ||