Rusipaarthu Arindhu Konden (Psalm 34 Tamil)

பல்லவி: ருசிபார்த்து அறிந்து கொண்டேன் கர்த்தர் நல்லவர் என்றறிந்தேன் அனுபல்லவி: இரட்சிப்பினால் அலங்கரித்தார் பாக்கியமுள்ளவனானேன் - சரணங்கள்

1. மகத்துவமுள்ள கர்த்தாவே-துதிகளுக்குப் பாத்திரர் நீரே நித்தம் ஆராதிக்கப்படுவோர் தயாபரரும் நீரே - ருசி

2. உன்னதத்தில் வாசம் பண்ணுவோர் புகழப்படத்தக்கவர் நீரே - மனதார புகழ்ந்திடுவேன் உம் அதிசயக் கிரியைகளையே - ருசி

3. நன்மைகளினால் நிறைந்தவர் நீர்-எல்லாரிலும் சிறந்தவரே உம் நீதியின் கிரியைகளையே கெம்பீரமாய்ப் பாடிடுவேன் - ருசி

4. நான் உயிரோடிருக்கு மட்டும் என் கர்த்தரை நான் துதிப்பேன் உலகில் நான் உள்ளளவும் கீர்த்தனம் பண்ணிடுவேன் - ருசி

5. என்றென்றும் மகிழ்ச்சியாயிருப்பேன் துன்பம் துக்கம் நோவிலுமே எந்நாளுமென்னைத் தேற்றுகிறார் என் இரட்சகர் கிறிஸ்தேசு - ருசி

6. இடைவிடாமலே ஜெபித்திடுவேன் கர்த்தர் சமூகத்தில் சேர்ந்து தடையின்றி பெற்றுக்கொள்வேன் விருப்பமானவைகளை - ருசி

7. எல்லாவற்றிலேயுமே - ஸ்தோத்திரம் செலுத்திடுவேன் என் நேசர் இயேசுவில் என்றும் களிப்பாய் நான் மகிழ்ந்திடுவேன் - ருசி